Бүгін 10 облыста дауылды ескерту жарияланды
Бүгін 10 облыста дауылды ескерту жарияланды
Қазақстанның он өңірінде ауа райына байланысты дауылды ескерту жарияланды деп хабарлады turkystan.kz.
Бүгін Солтүстік Қазақстан облысының оңтүстік-батысында тұман түседі. Ал солтүстігінде, батысында, оңтүстігінде аздаған бұрқасын, көктайғақ болады. Оңтүстік-батыстан 15-20 м/с жел соғады, облыстың батысында, оңтүстігінде желдің екпіні 23-28 м/с жетеді. Петропавлда қарлы боран күтілуде. Оңтүстік-батыстан 15-20 м/с жел соғады.
Қостанай облысының солтүстігінде, батысында түнде жаяу бұрқасын, күндіз көктайғақ болады. Оңтүстік-батыстан соғатын желдің екпіні облыстың батысында 15-20 м/с болуы ықтимал. Қостанайда таңертең және күндіз көктайғақ күтіледі. Оңтүстік-батыстан соғатын желдің екпіні - 15-20 м/с.
Ақмола облысының батысында, солтүстігінде жаяу бұрқасын болады. Түнде және таңертең облыстың оңтүстігі мен шығысында тұман, күндіз батыс пен солтүстікте көктайғақ күтіледі. Облыстың солтүстігінде оңтүстік-батыстан соғатын желдің екпіні - 15-20 м/с. Көкшетауда қарлы боран соғады. Оңтүстік-батыстан соғатын жел екпіні - 15-20 м/с.
9 наурыз күні күндіз Павлодар облысының солтүстігінде, батысында жаяу бұрқасын күтіледі. Батыстан соғатын желдің екпіні - 15-20 м/с. Павлодарда күндіз батыстан жел соғады, екпіні 18 м/с болады.
Түнде Шығыс Қазақстан облысының шығысында қалың қар жауады. Облыстың солтүстігінде, шығысында қарлы боран, көктайғақ болады деп күтілуде.
9 наурызда Батыс Қазақстан облысының солтүстігінде, батысында көктайғақ болады. Жел оңтүстіктен, солтүстікте оңтүстік-батыстан соғады, батыста, облыс орталығында екпіні 15-20 м/с-ге жетеді. Оралда түнде көктайғақ күтіледі. Оңтүстік, оңтүстік-батыстан соғатын желдің екпіні - 18 м/с.
Күндіз Маңғыстау облысының шығысында шаңды дауыл тұрады. Оңтүстік-шығыстан соғатын жел облыстың оңтүстігінде, шығысында 15-20 м/с болады.
Жетісу облысының оңтүстігінде, шығысында, таулы аймақтарында солтүстік-батыстан соғатын жел солтүстік-шығысқа ауысады, екпіні - 15-20 м/с.
Түркістан облысының оңтүстігінде, таулы және тау бөктеріндегі аймақтарда күндіз найзағай күтіледі. Шығыстан, солтүстікте оңтүстік-шығыстан соғатын жел таулы аймақтарда 15-20 м/с-ге жетеді. Шымкентте күндіз найзағай ойнайды.
9 наурызда түнде оңтүстікте, Алматы облысының таулы аймақтарында қатты жауын-шашын (жаңбыр, қар) болуы ықтимал. Облыстың солтүстігінде, оңтүстігінде, таулы аймақтарында тұман, түнде жолдарда көктайғақ болады. Солтүстік-шығыстан соғатын желдің екпіні - 15-20 м/с. Қонаев қаласында түнде тұман күтіледі.
Сондай-ақ қардың еруіне, қар жамылғысының тұрақсыз жай-күйіне, Үлкен және Кіші Алматы өзендерінің бассейндерінде күтілетін қатты жауын-шашынға байланысты қар көшкінінің жүру қаупі сақталады.