Қыстың соңғы күні елімізде ауа райы қандай болады?

Қазгидромет синоптиктері 28 ақпанға арналған ауа райы болжамын ұсынды деп хабарлады turkystan.kz. Бүгін Қазақстан аумағының басым бөлігі ауқымды антициклон ықпалында болғандықтан, жауын-шашын жаумайды. Тек Қазақстанның батысы мен солтүстігіне Атлантика циклоны ықпал етеді. Осыған байланысты жауын-шашын (жаңбыр, қар) жауып, көктайғақ болады. Елдің солтүстігінде бұрқасын соғады. Қазақстан бойынша тұман түседі, жел күшейеді.