Ақтөбеде 18 жастағы сарбазға қатысты қылмыстық іс қозғалды

Ақтөбеде 18 жастағы сарбазға қатысты қылмыстық іс қозғалды

Ақтөбеде 18 жастағы сарбазға қатысты қылмыстық іс қозғалды
ашық дереккөзі
Ақтөбедегі әскери бөлімде қатарласының жағын сындырған жауынгерге қатысты қылмыстық іс қозғалды. 18 жастағы сарбазды өңірдегі әскери гарнизонның тәртіп сақшылары тергеп жатыр деп хабарлады turkystan.kz КТК телеарнасына сілтеме жасап.  Жәбірленуші мен оны соққыға жыққан жігіт осы Артиллерия және ракета бөлімінде Отан алдындағы борышын өтеп жатыр. Жыл басында Ақтаудағы бөлімнен осында ауыстырылыпты. Кезекшілікте жүрген жауынгерді қатарласы алғашқыда түйіп өтіп, кейін бөлек бөлмеге апарып аяусыз соққыға жығады. [caption id="attachment_214580" align="alignnone" width="1200"] width= Жәбірленуші[/caption] Басынан жарақат алып, жағы сынған сарбазға әскери бөлім басшылары дер кезінде көмек бермеген. Тек есінен танған кезде ғана госпитальге емес, облыстық ауруханаға жеткізген. Дәрігерлер тәртіп сақшыларын шақырғанда әскери бөлім басшыларының бірі әлсіреп жатқан сарбазды кері алып кетпек болады. Қазір әскердегі әлімжеттікті жасырмақ болғандарға қатысты тергеу жүріп жатыр. Командирлерге қандай шара қолданылатыны белгісіз. Өйткені әзірге тек қатарласын ұрған жауынгерге ғана қатысты іс қозғалды.
«Аталмыш оқиғаға қатысты қылмыстық іс қозғалды. Әскери полиция тергеп жатыр. Жарақат алған жауынгер Алматы қаласындағы госпитальде емделіп жатыр. Оның сол жағы сынып, дәрігелер операция жасаған. Қазір жағдайы тұрақты. Оның әскери борышын өтеп, үйіне қайтуына әлі сегіз ай бар», - деді 30238 әскери бөлімі командирінің орынбасары Ринат Шәріпов.