Жетім балалар қазір мемлекет қамқорлығында. Ал туыстары бар балалар жақындарына беріледі. Қазір мемлекет тарапынан балаларға жан-жақты қолдау көрсетіліп жатыр. Елші көптеген адамдар жер сілкінісі салдарынан жақындарынан айырылған балаларға патронаттық тәрбиеші атанғысы келетінін айтты.Ресми деректерге сәйкес, 1858 жетім баланың 1645-інің құжаттары табылып, жеке бастары анықталды. 1314-і туыстарымен байланыса алды. Алайда әлі 213 баланың құжаттарын таба алмай отырмыз, – деді елші.
Бұл балалар басқа елдерге асырап алуға жіберілмейді. Егер табылса, Түркиядағы туыстарының отбасыларына орналастырылады, – деп түйіндеді Экичи.