9 күн бұрын жоғалған жігіт әлі табылмады

Ақмола облысында тоғыз күн бұрын жоғалған 21 жастағы жігіт табылмай жатыр деп хабарлады turkystan.kz. Ақмола облыстық ПД баспасөз қызметінің мәліметіне сүйенсек, 20 ақпанда Көкшетау қалалық ПБ-на облыс орталығының 48 жастағы тұрғыны өтінішпен жүгінген. Оның 2002 жылғы ұлы Рахман Жасланұлы Божантаев оралмағанын айтқан. Аталған азамат 6 ақпанда Астанадан қонаққа барып, кері 13 ақпанда жолға шыққан. Содан бері хабарсыз. Қазір жоғалған азаматты іздеуге Көкшетау қаласы ПБ-ның жеке құрамы мен күштері жұмылдырылды.