Алматыда автобус өртеніп кетті
Алматыда автобус өртеніп кетті
Алматының Медеу ауданында автобус өртеніп кетті деп хабарлады turkystan.kz Алматы қаласының Төтенше жағдайлар департаментіне сілтеме жасап.
Мәлімет бойынша, сағат 8:27-де өрт сөндірушілер Төле би және ШААЖ көшелерінің қиылысында ЛиАЗ автобусы жанып жатқанын анықтаған. Өрт аумағы 25 шаршы метр болды. Өрт кезінде кабинада жолаушылар болмаған.
Жанып жатқан автобусты сөндіру үшін дереу көбігі бар бөшкелер берілген, автобус құрылымдарын салқындату шарасы жүргізілген. Қабылданған шаралардың арқасында өрт 08:45-те оқшауланып, бес минуттан кейін сөндірілді. Зардап шеккендер жоқ.