Түркияда тағы екі қазақстандық жоғалып кетті

Түркиядағы зілзаладан кейін жоғалған Мирус Құрмашевтің тағы үш әріптесі байланысқа шықпай қалды. Олардың екеуі қазақстандық және бірі – Түркия азаматы деп хабарлады turkystan.kz.

«Мируспен бірге оның үш әріптесі де хабарсыз кетті. Олар Әділ Қадырбеков, Сабина Мамадьярова және Түркия азаматы Құбылай Кескин» деп жазды Astana Hub бас директоры Мағжан Мәдиев Instagram парақшасында.

ҚР Сыртқы істер министрлігінің ресми өкілі Айбек Смадияров хабарлағандай, олар іздестіріліп жатыр.