Қатерлі ісікті тудыратын басты себеп анықталды

Қатерлі ісікті тудыратын басты себеп анықталды

Астаналық дәрігер, онколог-маммолог Юрий Жуков қатерлі ісік қандай салдардан туындайтынын түсіндірді деп хабарлады turkystan.kz елорда әкімдігінің ресми сайтына сілтеме жасап. «Тұқымқуалаушылық – жақын туыстарында сүт безі қатерлі ісігі анықталған жағдайда, қауіп 3-5 есе жоғары. Физикалық жарақаттар, яғни сүт безіне жарақат алған кезде ауруға тап болу пайызы 4 пайыздан 44 пайызға дейін артады. Дұрыс емес тамақтану – жануар майларын шамадан тыс тұтыну, жоғары калориялы тағамдар, А, Е, С, Д дәрумендерінің жетіспеушілігі», – дейді Юрий Жуков. Ол қатерлі ісікке уайым-қайғы да үлкен себеп болатынын айтып өтті. «Бала туу функциясы – ерте немесе кеш етеккір (12 жасқа дейін және 16 жастан кейін), кеш менопауза (53-55 жастан кейін), кеш алғашқы босану (26 және одан жоғары), жалпы, 40 жастан кейін бала дүниеге әкелу, жиі түсік тастау, алғашқы бедеулік, жыныстық өмірдің кеш басталуы және тұрақсыздығы, омырау сүтімен қысқа мерзімді емізу немесе мүлдем қолданбау. Бұл да негізгі факторлардың бірі. Сол сияқты бауыр, қалқанша без, аналық без, бүйрек үсті безі, гипофиз және т.б. функциясының бұзылуы да себеп болады. Экологиялық факторлар – иондаушы сәулелену, электромагниттік өріс, ластанған: ауа, су, өнімдері», – дейді ол.