Павлодарда ер адамның аяғын пойыз басып кетті
Павлодарда 59 жастағы ер адамның аяғына ампутация жасалды деп хабарлады turkystan.kz Pavlodarnews.kz сайтына сілтеме жасап.
103 жедел жәрдем станциясының мәліметінше, 28 қаңтарда сағат 10:54-те Успен көпірі маңындағы темір жолда ер адамның аяғын пойыз басып кеткені туралы хабарлама түскен.
«Зардап шеккен 59 жастағы ер адам болып шықты. Көптеген жарақаттар, аяқтың травматикалық ампутациясы, екінші дәрежелі аралас шок және басқа да жарақаттар анықталды», – деді станцияда.
Облыстық Денсаулық сақтау басқармасында 59 жастағы ер адам ота жасалғаннан кейін жансақтау бөлімінде ауыр халде жатқанын хабарлады.
