Ердоған Түркияда президент сайлауы өтетін күнді белгіледі

Түркия президенті Режеп Тайып Ердоған елдегі президент парламент сайлауы 14 мамырда өтетінін мәлімдеді деп хабарлады turkystan.kz. Бұл туралы президент Режеп Тайып Ердоған Бурса провинциясында жастармен кездесуі кезінде мәлімдеді. Бұған дейін саяси науқан 2023 жылдың 18 маусымына жоспарланған. Алайда бұл мерзім жазғы демалыстармен, саяхаттау уақытымен тұспа-тұс келетіндіктен, қайта өзгертілді. Айта кетейік, Ердоған жалпыға ортақ сайлау күні туралы президенттік жарлыққа 10 наурызда қол қоюды жоспарлап отырғанын атап өтті.