Боран, үскірік аяз: 18 қаңтарға арналған ауа райы болжамы

Қазгидромет 18 қаңтарға арналған ауа райы болжамын жариялады деп хабарлады turkystan.kz. Қазақстан аумағының басым бөлігі әлі де антициклон ықпалында болғандықтан жауын-шашын жаумайды. Елдің оңтүстігінің таулы аймақтарында қатты жауын-шашын болады. Тек республиканың шығысында атмосфералық фронттардың әсерінен аздаған қар, жаяу бұрқасын, елдің оңтүстігінде – жел күшейіп, тұман түседі. Түнде Жетісу облысы мен Алматы облысының солтүстігінде, шығысында, таулы аудандарында 25-26 градус қатты аяз сақталады.