Жамбыл облысында жедел жәрдем көлігі жол апатына ұшырады
Жамбыл облысында жедел жәрдем көлігінің қатысуымен жол апаты орын алып, нәтижесінде үш адам ауруханаға жеткізілді, - деп хабарлады turkystan.kz.
Анықталғандай, аудандық орталық аурухананың жедел-жәрдем көлігінің 31 жастағы жүргізушісі рөлге ие бола алмай жолдың қарсы бағытына шығып кетіп, УАЗ маркалы көлігінің сол жақ тұсымен соқтығысқан.
Жол-көлік оқиғасы салдарынан екі көліктің жүргізушісі және жедел жәрдем көлігіндегі 24 жастағы медицина қызметкері түрлі жарақаттармен ауруханаға жеткізілді.
Аталған дерек бойынша 31 жастағы жүргізуші ҚР ӘҚБтК 610-бабы 2-бөлігімен әкімшілік жауапкершілікке тартылды. Мercedes автокөлігінің жүргізушісінің жауапкершілігін анықтау үшін автотехникалық сараптама тағайындалды.