Қайғылы жағдай: Маңғыстау облысында үш адам көз жұмды
Қайғылы жағдай: Маңғыстау облысында үш адам көз жұмды
Маңғыстау облысының Ақшұқыр ауылында автобустың қатысуымен болған жол-көлік апаты кезінде үш адам қаза тапты деп хабарлады turkystan.kz Маңғыстау облыстық ПД баспасөз қызметіне сілтеме жасап.
Мәлімет бойынша, қайғылы оқиға 9 қаңтарда сағат 15:35-те болған.
ZAZ Chance автокөлігінің жүргізушісі рөлге ие бола алмай, жолдың қарама-қарсы бетіне шығып King Long автобусымен соқтығысқан. Апат салдарынан оқиға орнында үш адам қаза тапты.
Аталған факт ҚР ҚК 345-бабының 4-бөлігіне сәйкес, Түпқараған ауданы ПБ ЕҚДБ-да «Абайсызда екі немесе одан да көп адамның өліміне әкеліп соқтырудағы ЖҚЕ бұзушылық» бойынша тіркелген.
Тергеу амалдары жүргізіліп жатыр.