Kingdom Suite: Роналду орналасқан қонақүй несімен ерекше?

Криштиану Роналду «Аль-Наср» клубына ауысқаннан кейін Four Seasons Riyadh қонақүйіне тұрақтады деп хабарлады turkystan.kz.

Танымал футболшыны таныстыру рәсімі өткен аптада Эр-Рияд қаласында өткен болатын.

Алғашқы екі ойында клуб сапында ойнауға тыйым салынғанымен, Роналду отбасымен Four Seasons Riyadh қонақүйіне орналасып, Сауд Арабиясындағы жаңа өмірін бастап кетті.

Four Seasons Riyadh – Сауд Арабиясының ең танымал ғимараттарының бірі, 302 метрлік Kingdom Centre-де орналасқан.

Daily Mail-дың хабарлауынша, Криштиану Роналду және оның отбасы, достары мен қызметкерлері қонақүйдегі 17 бөлмені алған. Жалпы құны – 300 мың доллардан асады.

Бөлмелер арасында ең ерекшесі – Криштиану Роналду мен Джорджина Родригес орналасқан екі қабатты Kingdom Suite.

Four Seasons қонақүйінің сайтында Kingdom Suite-ді: «Ең жаңа екі қабатты бөлме қонақүйдің 48 және 50-қабаттарын алып жатыр, онда қонақ бөлме, жеке кабинет, асхана және медиа-зал бар» деп сипаттаған.

Қонақүйдің ресми сайтында ең үлкен бөлмелердің бағасы көрсетілмеген. Алайда, мәлімет бойынша, айына 17 бөлме үшін 300 мың доллардан астам ақы төленеді.

Айта кетейік, 2025 жылға дейін келісімшарты бар футболшы Сауд Арабиясына қоныстанып, корольдік мәдениетімен танысады.

Сондай-ақ қонақүй қызметкерлеріне Роналдудың жеке өміріне араласуына, жұмысына кедергі келтіруіне қатаң тыйым салынған. Ол Эр-Риядқа келгеннен бері бір минут та футбол ойнамады. Алайда желіде жапон мейрамханаларының бірі Miyazo-да жанкүйерлерімен түскен суреті тарап кетті.