Шіркеудегілерді шошытқан адам 2 жылға сотталды

Шіркеудегілерді шошытқан адам 2 жылға сотталды

Шіркеудегілерді шошытқан адам 2 жылға сотталды
ашық дереккөзі
Алматыда Никольск шіркеуінде жарылыс жасалатыны туралы жалған хабар берген «лаңкес» екі жылға бас бостандығынан айырылды, Алмалы аудандық сотының баспасөз қызметі. «Айыпталушы Ж. ҚР ҚК 273-бабында көрсетілген (террорлық актісі туралы жалған ақпарат тарату) қылмысты жасағаны үшін кінәлі деп танылып, 2 жыл жалпы режімдегі түзеу колонияда жазасын өтейтін болды. Үкім заңды күшіне енген жоқ», - деді сот залынан. Іс барысында анықталғандай, сотталушы 2016 жылдың 11 қыркүйегінде сағат 07.13-те Алматы қаласының Мәуленов-Гоголь көшелері қиылысында тұрып, жалған ақпарат тарату туралы ойлаған. Осыдан кейін ол таксофоннан ІІД-нің 102 нөміріне хабарласып, 11 қыркүйек күні Алматыдағы Никольск шіркеуінде сағат 10.00-де жарылыс болатыны, оған астыртын дайындық жүргізіліп жатқаны туралы жалған ақпарат берген. Айыпталушы сотта өз кінәсін толығымен мойындады.