Экология және табиғи ресурстар министрі ауысты
Экология және табиғи ресурстар министрі ауысты
Зүлфия Сүлейменова ҚР Экология және табиғи ресурстар министрі лауазымына тағайындалды деп хабарлады turkystan.kz.
«Зүлфия Болатқызы Сүлейменова Қазақстан Республикасының Экология және табиғи ресурстар министрі лауазымына тағайындалсын», - делінген Президент қол қойған Жарлықта.
Айта кетейік, Серікқали Аманғалиұлы БрекешевмМемлекет басшысының Жарлығымен Қазақстан Республикасының Экология, геология және табиғи ресурстар министрі лауазымынан босатылды.
Зүлфия Сүлейменова 1990 жылы Ақтөбе қаласында дүниеге келген.
Л. Гумилев атындағы Еуразия ұлттық университетін бітірген. Президенттік жастар кадрлық резервінің мүшесі.
Еңбек жолын 2014 жылы Жаһандық саясат және қауіпсіздік орталығының өңірлік және жаһандық қауіпсіздік бөлімінің ғылыми қызметкері болып бастады.
2020-2021 жылдары — Қазақстан Республикасының Экология, геология және табиғи ресурстар министрлігінде басшылық қызметтер атқарған.
2021 жылғы қаңтардан бастап осы уақытқа дейін VII сайланымдағы ҚР Парламенті Мәжілісінің депутаты болды.
2022 жылы 14 наурызда Экология, геология және табиғи ресурстар вице-министрі болып тағайындалды.