Ақтөбеде жоғалып кеткен төрт жасар бала өлі табылды

Әлеуметтік желіде төрт жасар Данил Ахуновты іздеген белсенділер баланың қайтыс болғаны туралы хабарлады. Ақпаратты Ақтөбе облысы Полиция департаменті растап отыр деп жазды turkystan.kz. Мәлімет бойынша, іздеу шаралары кезінде 28 желтоқсанда жоғалып кеткен 2018 жылы туған Данил Ахуновтың мәйіті табылды. Оның денесінен зорлық-зомбылық белгілері анықталған. Күдікті ұсталып, УҰИ-ға қамауға алынды. ҚР ҚК-нің 99-бабы 3-бөлігі «Жас баланы өлтіру» бойынша сотқа дейінгі тергеу жүргізіліп жатыр. Қылмыстық істі тергеп-тексеру шеңберінде өзге ақпарат жария етілмейді.