Робот-журналистің мақаласы шықты

Робот-журналистің мақаласы шықты

Робот-журналистің мақаласы шықты
ашық дереккөзі
Қытайдың робот-журналисі Сяо Нань алғашқы мақаласын Southern Metropolis Daily газетіне жариялады, деп жазады ҚазАқпарат. 300 иероглифтан тұратын мақаланы жазуға робот бір секундын жұмсады. Жазба қытайдың Жаңа жылы кезіндегі жолаушылар легінің артатынына қатысты. Роботты жасаушы Бейжің университеті командасының басшысының айтуынша, Сяо Нань шағын хабарлама ғана емес көлемді мақала жазуға да қабілетті екен. Оның ең басты ұтатын тұсы — мәліметтерді жылдам қорыта алады, әрі мәтін теріп уақытын жоғалтпайды. Алайда әзірге робот журналистерді алмастыра алмайды. Өйткені ақылды машина сұхбат ала алмайды, сондай-ақ тақырыпқа қатысты сұрақтар қоя алмайды. Алайда жобаны жасаушылар болашақта тілшілерге арналған көмекші роботтардың пайда болатынына сенімді.