Батыр Жүкембаев алдағы жекпе-жегі жайлы пікір білдірді

24 желтоқсанда Алматыдағы SADU Arena-да биылғы жылдың ең жарқын бокс кеші өтеді деп хабарлады turkystan.kz.

Аталған бокс кешінде сайысқа түсетін қазақстандық боксшы Батыр Жүкембаев алдағы жекпе-жегі жайлы пікір білдірді.

«Мен алғаш рет өз елімде өнер көрсететініме қуаныштымын. Бұл маған екі есе мотивация береді.

Біз – кез келген аренада кез келген ауа-райында өнер көрсете білетін және әрқашан әсерлі жекпе-жек көрсетуге дайын жауынгерміз.

Қарсыласым – оннан астам 12 раундтық жекпе-жек өткізген боксшы. Оның 7 жекпе-жегі  гонгқа қоңырауы соғылғанға дейін жалғасқан. Бұл оның үлкен тәжірибесі мен төзімділігінен хабар береді. Мен қарсыласымды нокаутқа түсіруге аса ұмтылмаймын. Мен үшін ең бастысы – жекпе-жекті сенімді жеңіспен аяқтау.

АҚШ-та бір ай бойы дайындалдым. Қазіргі уақытта әлемнің ең үздік боксшысы саналатын Теренс Кроуфордпен спарринг өткіздім. Жақсы тәжірибе алмасу болды. Жекпе-жекте сәттілік тіледі», – деді боксшы.