Әзілхан Нұршайықовтың 100 жылдығына арналған халықаралық конференция өтті
Еуразия ұлттық университеті мен Қазақстанның Бас редакторлар клубы «Әзілхан Нұршайықов және журналистика мен әдебиеттанудың өзекті мәселелері» атты халықаралық ғылыми-практикалық конференциясын өткізді деп хабарлады turkystan.kz.
Шара ЕҰУ-дың бас корпусында өтті. Конференцияда университет ректоры сөз сөйлеп, құрметті қонақтар баяндама жасап, арнау және құттықтаулар айтылды.
Жазушы Ә.Нұршайықовтың 100 жылдығына ұйымдастырып отырған шарада ҚР Президентінің кеңесшісі Бауыржан Омарұлы Қасым-Жомарт Тоқаевтың құттықтау хатын оқыды әрі тағылымға толы баяндама жасады. «Әзілхан Нұршайықовтың майдан күнделіктері: аңыз бен ақиқат» атты баяндамасында жазушының күнделіктерінен деректер мен дәйектер келтірілді.
Кеш барысында айтыскер ақын Серікзат Дүйсенғазы да сөз алып, кейін өзінің арнауын орындап берді.
Аталған шараны ұйымдастыруға Бас редакторлар клубының жетекшісі Бибігүл Жексенбай мұрындық болды.
Конференцияға елімізге белгілі тұлғалар, журналистер мен студенттер қатысты.
