Жанқош Тұраров IBO Inter-Сontinental белбеуін иеленді
Бірінші жартылай орта салмақта өнер көрсететін қазақстандық боксшы Жанқош Тұраров IBO Inter-Continental белбеуін жеңіп алды, деп хабарлады turkystan.kz Prosports.kz-ке сілтеме жасап.
Алматыда өткен бокс кешінің басты жекпе-жегінде Тұраров венесуэлалық Луис Энрике Ромеромен жұдырықтасты.
Бірінші жартылай орта салмақтағы вакантты IBO Inter-Continental титулы сарапқа салынған жекпе-жек жетінші раундта аяқталды. Қазақстан боксшы қарсыласын нокаутқа түсірді.
Осылайша, Жанқош Тұраров кәсіпқой мансабындағы 26-жеңісіне қол жеткізді.