Сәрсенбі, 1 Ақпан, 2023

Тұман, жел, бұрқасын: сенбіге арналған ауа райы болжамы

«Қазгидромет» РМК ұсынған болжам бойынша, еліміздің солтүстігінде, шығысында, оңтүстігінде және оңтүстік-шығысында қар жауады деп хабарлады turkystan.kz.

«Республиканың батысына, солтүстік-батысына, орталығына ауқымды антициклон әсер етеді, соның әсерінен күн райы жауын-шашынсыз болады»,- делінген «Қазгидромет» РМК хабарламасында

Сондай-ақ, болжамға сәйкес, еліміздің оңтүстігінде, оңтүстік-шығысында, шығысында, солтүстігінде жел күшейеді, солтүстікте, шығыста, оңтүстікте жаяу бұрқасын болады, еліміздің солтүстік-батысына, оңтүстігіне, оңтүстік-шығысына тұман түседі.

Астана қаласы: көшпелі бұлтты, түнде аздаған қар жауады. Оңтүстік-батыстан жел соғады, күші түнде 2-7, күндіз 7-12 м/с. Ауаның температурасы түнде -21-23°С, күндіз -15-17°С болады.

Алматы қаласы: көшпелі бұлтты, жауын-шашынсыз. Жел 0-5 м/с соғады. Ауаның температурасы түнде -13-15°С, күндіз -8-10°С болады.

Шымкент қаласы: көшпелі бұлтты, жауын-шашынсыз. Түнде және таңертең тұман күтіледі. Солтүстік-шығыстан жел соғады, күші 3-8 м/с. Ауаның температурасы түнде -14-16°С, күндіз -1-3°С болады.

Байқау айқын
Байқау айқын

Ұқсас жаңалықтар

Back to top button