Қазақстандық оқушылар қысқы каникулда қанша күн демалады?

Қазақстандық оқушылар қысқы каникулда қанша күн демалады?

Қазақстандық оқушылар қысқы каникулда қанша күн демалады?
ашық дереккөзі
Оқу-ағарту министрлігі «Ашық НҚА» порталына білім беру ұйымдарында оқу жылының басталу және аяқталу мерзімі, қорытынды аттестаттау шарасының уақытын айқындау туралы бұйрық жобасын жариялады. Бұйрық жобасы бекітілсе, барлық білім ошақтарында оқу жылының мерзімі 1 қыркүйек – 31 мамыр аралығында болады. 1-11 (12)-сыныптарда оқу жылы ішінде тоқсан және демалыс ұзақтығы мынадай тәртіппен бекітілмек: 1 тоқсан – 8 оқу аптасы, күзгі демалыс – 7 күн (31 қазаннан бастап 6 қарашаны қоса алғанда); 2 тоқсан – 8 апта, қысқы демалыс – 9 күн (31 желтоқсаннан бастап 8 қаңтарды қоса алғанда); 3 тоқсан – 10 апта, көктемгі демалыс – 9 күн (18-26 наурызды қоса алғанда); 4 тоқсан –10 апта. 1-сыныптарда қосымша демалыс – 7 күн (6-12 ақпан аралығын қоса алғанда). Сондай-ақ, пилоттық немесе халықаралық мектептер сияқты басқа да білім беру ұйымдарының сұранысы бойынша баламалы мерзім қолданылуы мүмкін. Бірақ оның да өз тәртібі қарастырылған. Ондай жағдайдағы оқу тоқсандарының мерзімдері мынадай тәртіпте ұсынылып отыр: 1 тоқсан – 9 оқу аптасы, күзгі демалыс – 10 күн (23 қазаннан бастап 1 қарашаны қоса алғанда); 2 тоқсан – 9 апта, қысқы демалыс – 15 күн (31 желтоқсаннан бастап 14 қаңтарды қоса алғанда); 3 тоқсан – 9 апта, көктемгі демалыс – 9 күн (20-29 наурызды қоса алғанда); 4 тоқсан – 9 апта; 1-сыныпта қосымша демалыс – 7 күн. Бұйрық жобасы 21 желтоқсанға дейін қоғамдық талқылауда болады.