Алматы облысы Талғар аудандық полиция бөлімінің уақытша ұстау изоляторында ұсталған азамат асылып өлді деп хабарлады turkystan.kzZakon.kz сайтына сілтеме жасап.
Алматы облысы Полиция департаментінің мәліметінше, Талғар ауданының полиция басқармасы қызметкерлері 3 желтоқсан күні ҚР Қылмыстық кодексінің 121-бабының 3-1-бөлігінде (Сексуалдық сипаттағы зорлық-зомбылық әрекеттері) көзделген қылмысты жасады деген күдікпен бұрын сотты болған 19 жастағы күдіктіні ұстаған. Оны аудандық полиция бөлімінің уақытша ұстау изоляторына қамады.
«5 желтоқсанда шамамен сағат 13:55-те күдікті уақытша ұстау изоляторының камерасында өз-өзіне қол жұмсады», - делінген Алматы облысы Полиция департаментінің баспасөз қызметі таратқан хабарламада.
Қайтыс болу фактісі Қылмыстық кодекстің 105-бабының 1-бөлігі бойынша Талғар ауданы полиция басқармасында Сотқа дейінгі тергеулердің бірыңғай тізіліміне тіркелді.
«Қазір қажет сараптамалар тағайындалып, тергеу амалдары жүріп жатыр», - делінген хабарламада.