Төрт облыста тұман, көктайғақ және қатты жел тұрады

Қазақстанның 4 облысында ауа райына байланысты ескерту жарияланды деп хабарлады turkystan.kz. 7 желтоқсанда Қызылорда облысының оңтүстігінде, 8-9 желтоқсанда облыстың солтүстігінде тұман түседі. 7 желтоқсанда түнде және таңертең Жетісу облысының таулы және тау бөктеріндегі аудандарында тұман түсіп, көктайғақ болады. 7 желтоқсанда Түркістан облысының солтүстігінде, таулы және тау бөктерлі аудандарында тұман түсіп, көктайғақ болады. Солтүстік-батыстан жел соғады, тау асуларында желдің күші 15-20 м/с-қа жетеді. Қостанай облысының солтүстігінде тұман түседі.