Сәрсенбі, 1 Ақпан, 2023

Қамшыбек Қоңқабаев WBO рейтингісінде үздік үштікке енді

Дүниежүзілік бокс қауымдастығы (WTA) барлық салмақ дәрежесіндегі боксшылардың рейтингісін жаңартты деп хабарлады turkystan.kz «Sports.kz» сайтына сілтеме жасап.

Оған сәйкес аса ауыр салмақ дәрежесіндегі былғыры қолғап шеберлері арасында қазақстандық Жан Кособуцкий тоғызыншы позициядан сегізінші орынға көтерілді. Ал Иван Дычко бұған дейін тұрақтаған 15-орнын сақтап қалды. Бұл салмақта «Суперчемпиондық» атақ Александр Усиктің еншісінде болса, рейтингінің алғашқы үштігіне конголық спортшы Мартин Баколе, америкалық Майкл Хантер мен Деонтей Уайлдер енді.

Сонымен қатар бірінші ауыр салмақ бойынша бұл уақытқа дейін рейтингіде төртінші позицияда болған ел спортшысы Қамшыбек Қонқабаев үшінші орынға көтерілді. Оның алдында кубалық Рониэль Дортикос пен швециялық Бад Джек тұр.

Ал екінші орта салмақта өнер көрсететін Айдос Ербосынұлы бесінші орынға сырғыды. Ол бұған дейін аталған салмақ дәрежесінде көш бастап тұрған еді. Сондай-ақ қазақстандық кәсіпқой боксшы Бек Нұрмағанбет рейтингіде бір сатыға төмендеді. Атап айтқанда, ол оныншы орыннан он бірінші орынға сырғыды.

Екінші жартылай жеңіл салмақ дәрежесінде өнер көрсететін ел боксшысы Сұлтан Заурбек бұл уақытқа дейін тұрақтаған сегізінші орында қалды. Рейтингінің үздік үштігіне америкалық Ламонт Крауч, грузин боксшысы Отар Эраносян және ирландиялық Джон Кэрролл кірді.

Спорт эмоциаларының бас демеушісі - 1XBET компаниясымен чемпионды бірге таңдайық!

Байқау айқын
Байқау айқын

Ұқсас жаңалықтар

Back to top button