ӘЧ: Португалия құрамасы Уругвайды жеңді

Катардағы «Лусаил Айконик» стадионында Португалия мен Уругвай құрамалары арасындағы кездесу аяқталды деп хабарлады turkystan.kz.

Екінші турдың соңғы ойынында Португалия құрамасы Оңтүстік Америка өкілдерін 2:0 есебімен ұтты.

Кездесудің 54-минутында Бруно Фернандеш Португалия құрамасын алға шығарды. Ол ойынның 90+3-минутында пенальти орындап, дубль жасады. Есеп – 2:0.

Еске салайық, бұған дейін Бразилия әлем чемпионатының плэй-офф кезеңіне өткені туралы жазғанбыз.