Сұлулық байқауының жеңімпазы дзюдодан Қазақстан чемпионы атанды

Атырауда дзюдодан өткен Қазақстан біріншілігінде Италиядағы сұлулық байқауының жеңімпазы, астаналық Әйгерім Әбілқадырова Қазақстан чемпионы атанды деп хабарлады turkystan.kz. Әйгерім 52 келі салмақта топ жарды. Ол финалда Ақмола облысының өкілі Толғанай Әбеуовадан басым түскен. Бұл – Әйгерім Әбілқадырованың ел чемпионатында жеңіп алған 12-алтыны. Дзюдошы қыздың сұлулық әлеміндегі жетістіктері де аз емес. Ол биыл Италияда өткен «Miss Europe Continental-2022» байқауында жеңіске жеткен болатын.