Әлімханұлын «құрдымға» кетіре жаздаған себеп – бапкер жауабы

Америкалық бапкер Бадди Макгирт қазақстандық Жәнібек Әлімханұлының (13-0, 8 КО) британиялық Дензел Бентлимен (17-2-1, 14 КО) өткен жекпе-жегіне қатысты пікірін білдірді деп хабарлады turkystan.kz vesti.kz сайтына сілтеме жасап. 13 қараша Лас-Вегаста өткен бокс кешінде 29 жастағы қазақстандық боксшы алғаш рет орта салмақтағы WBO белбеуін қорғады.

«Жақсы сабақ алдық. Бес рет қатарынан нокаутпен жеңгенде, кез келген қарсыласты сұлатам деп ойлай бастайсың. Ол тек бір соққымен құлатудың сәтін күтті, кейін өзіне келді. Ол әлем чемпионы, Әлімханұлы - орта салмақтағы ең мықты боксшы. Ол жасау керегін жасады - титулын қорғап қалды», - дейді бапкер.