Азия чемпионаты: 9 боксшымыз алтынға таласады

Бүгін Аммандағы бокстан Азия чемпионатының  финалдық кездесулер өтеді деп хабарлады turkystan.kz. Қазақстан атынан тоғыз боксшы ақтық сында өнер көрсетеді. Санжар Тәшкенбай (48 келіге дейін), Сәкен Бибосынов (51 келіге дейін), Махмұд Сабырхан (54 келіге дейін), Серік Теміржанов (57 келіге дейін), Дулат Бекбауов (67 келіге дейін), Асланбек Шымбергенов (71 келіге дейін), Нұрқанат Райыс (75 келіге дейін), Айбек Оралбай (92 келіге дейін) және Қамшыбек Қоңқабаев (92 келіден жоғары) алтын медальге таласады. Иордания астанасынан тікелей трансляция Астана уақытымен сағат 16:00-де басталады.