Ақтауда базар өртеніп кетті (ВИДЕО)

Ақтауда базар өртеніп кетті (ВИДЕО)

Ақтау қаласындағы 23-шағынауданда орналасқан базар отқа оранып, ондағы 6 дүкен жанып кетті деп хабарлады turkystan.kz ҚазАқпаратқа сілтеме жасап. «11 қарашада сағат 22:46-да өрт сөндіру және авариялық құтқару жұмыстары диспетчерлік қызметіне 23-шағынауданда орналасқан «РУСАЗ» базарының өртенгені туралы хабарлама келіп түсті. Қазіргі уақытта «Балалар әлемі» дүкені, «1000 ұсақ-түйек» кеңсе тауарлары дүкені, сондай-ақ азық-түлік және дәмдеуіштер сататын бутиктер өртенгені анықталды», - деп мәлім етті Маңғыстау облыстық Төтенше жағдайлар департаментінің баспасөз қызметі. Өрт сағат 23:23-те сөндірілді. Зардап шеккендер жоқ. Өртті сөндіруге 6 техника және 30 жеке құрам жұмылдырылған. Сондай-ақ жергілікті атқарушы органнан 16 техника мен 81 қызметкер тартылған.