«Қазақ аналары» өкілдері Тұрсынбековаға қолдау көрсетті

«Қазақ аналары» өкілдері Тұрсынбековаға қолдау көрсетті

«Қазақ аналары» өкілдері Тұрсынбековаға қолдау көрсетті
ашық дереккөзі
Қазақстан Республикасы президенттігіне кандидат Салтанат Тұрсынбекованың жақтастары ерекше патриоттық акция өткізді. «Қазақ аналары – дәстүрге жол» республикалық қоғамдық бірлестігінің өкілдері өз кандидатын қолдау мақсатында Ақмола облысының Софиевка ауылына бейнебаян түсіруге барды. Құқық қорғаушы ұсынған бастамаларды қолдайтындарын білдіру үшін әйелдер қар басқан кең аумаққа шықты.  Сондай-ақ акцияның түрлі жастағы қатысушылары атқа қонып, қолдарына Қазақстанның туы мен кандидаттың есімі жазылған үгіт жалауын ұстап, далада серуен жасады.  Көріністі жан-жақтан сапалы етіп түсіру үшін дрондар пайдаланылды. Акция кандидат теледебатқа дайындалып жатқан кезде жүргізілді. Еске салайық, жеребе қорытындысы бойынша құқық қорғаушы Салтанат Тұрсынбекованың бесінші болып сөз алатыны анықталды. Пікірсайыс 11 қарашада, сағат 20:00-де «Хабар» телеарнасынан көрсетіледі. Үміткерлер сайлауалды бағдарламаларымен таныстырып, бір-біріне сұрақтар қояды, сондай-ақ қазақстандықтардың сауалдарына жауап береді. Айта кетейік, Салтанат Тұрсынбекова – қоғам қайраткері, құқық қорғаушы, екі баланың анасы.  Ол соңғы жылдары елімізде ең көп талқыланатын және резонансты тақырыптардың бірі – отбасылық зорлық-зомбылықпен күресудегі көп жылғы қажырлы еңбегімен танымал.