Садақ атудан тұңғыш рет өткен республикалық чемпионаттың жеңімпаздары анықталды
Садақ атудан тұңғыш рет өткен республикалық чемпионаттың жеңімпаздары анықталды
Биыл 16 қазан күні Маңғыстау облысы Жаңаөзен қаласында дәстүрлі садақ атудан тұңғыш республикалық чемпионат өтті.
Чемпионаттың мақсаты – дәстүрлі садақ ату өнерін насихаттау, яғни оны қазақтың ұлттық спорттық өнері ретінде дамыту.
Чемпионат Қазақстан Республикасының Ұлттық спорт түрлері қауымдастығы мен Дәстүрлі садақ ату федерациясының ұйымдастыруымен өтті.
Жеке есепте әрбір форматта бір-бір жеңімпаздан анықталып, әрқайсысы 100 000 теңге көлемінде жүлдеақыға қол жеткізді.
Тұңғыш ұйымдастырылып отырған республикалық чемпионаттың жалпы жүлде қоры 9 750 000 теңге болды.
Садақ – бейбіт заманда аңшылықтың, жаугершілік заманда – қорғаныстың құралы болған. Ал ХІХ ғасырдан бастап садақ ату спорттық өнерге айналды. Биылдан бастап Қазақстанда дәстүрлі садақ ату спорт түрі ретінде ресми түрде бекітілді.