9 әдістемелік кешен, 26 оқу-әдістемелік құралдың тұсаукесер рәсімі өтті

9 әдістемелік кешен, 26 оқу-әдістемелік құралдың тұсаукесер рәсімі өтті

12 қазан күні Астанада Қайым Мұхамедханов атындағы №90 ұлттық гимназиясының мәжіліс залында 9 әдістемелік кешен, 26 оқу-әдістемелік құралдық тұсаукесер рәсімі өтті.  Тұсаукесер рәсіміне мемлекет және қоғам қайраткерлері, сондай-ақ білім саласының өкілдері қатысты. Кітап лентасын Мәжіліс депутаты Жұлдыз Досбергенқызы, Астана қаласы білім басқармасының басшысы Қасымхан Сенғазыұлы, Республикалық білім мазмұнын сараптау ғылыми-әдістемелік орталығы бас сарапшысы Қайрат Амангелдіұлы қиды. Сондай-ақ шара аясында Қайым Мұхамедханов атындағы №90 ұлттық гимназиясының «Мағжан дәірсханасының» ресми ашылу салтанаты өтті. Жаңа дәрісхананың лентасын Мәжіліс депутаты Мақпал Тәжмағанбетова қиды.  «Ұлттық мектептік нағыз үлгісі – 90-ші ұлттық гимназия, ал ұлттың нағыз жанашыры ретінде – Аятжан Ахметжанұлын айта аламын. Ұстаздарына барынша жағдай жасап, олардың еңбегінің жарыққа шығуына тікелей мұрындық болып отырған «QAZBILIM» баспасына және осы іс-шараны ұйымдастырған барша қызметкерлерге алғыс білдіремін. Мен ата-ана, әрі ұстаз әрі журналист ретінде үш жақтан осы еңбеіктің шығуна, өз уақыты мен білімін сарп еткен ұстаздар алдында басымды иемін», - деді журналист Алма Сайлауқызы. Кітаптардың жарыққа шығуына демеушілік еткен «QAZBILIM GROUP» Бас директоры Гүлбану Қанайқызы сөз алып, ұстаздарға алғыс білдірді. Сондай-ақ ұстаздарымызға  «QAZBILIM GROUP» атынан арнайы дайындалған тәтті тортты кесу рәсімі өткізілді. Қосымша ақпарат:«QAZBILIM» жобалары білім саласында 7 жылдан астам уақыт қызмет жасап сапалы білім, жүйелі бағдарлама, үздік нәтиже көрсетіп келеді. Қазіргі таңда еліміздің 12 қаласында 17 бөлім жұмыс жасап жатыр. QAZBILIM қоржынында  150-ден аса  авторлық оқу-әдістемелік құралы бар.  QAZBILIM негізі қаланған уақыттан бері 10 000 астам оқушы  білім алып, жоғары нәтижеге жетті.