Универсиада күндері әкімдік Алматының сауда орталықтарын жаппақ

Универсиада күндері әкімдік Алматының сауда орталықтарын жаппақ

XXVIII қысқы Универсиада ойындарының ашылу және жабылу салтанаты өтетін күндері қаладағы Алматыдағы 9 сауда орталығы жабылады. Бұл туралы қала әкімдігінің баспасөз қызметіне сілтеме жасап sn.kz хабарлады. "2017 жылдың 29 қаңтары мен 8 ақпаны күндері санитарлық күндер өткізуге байланысты қаладағы тоғыз сауда орталығы жабылады", - делінген аталған хабарламада. Жабылатын гипермаркеттер тізімі: - "Магнум" (Ақбұлақ 273) - "Алтын Орда" базары (Ташкент тас жолы 15 км, 1) - "Барлық" базары (Ташкент тас жолы 18 км, 1/1) - "Құрдас-7" базары (Ташкент тас жолы 15 км, 1/7) - "Жібек жолы" базары (Райымбек даңғылы 517/6) - "Жұлдыз" базары (Розыбакиева 33/1) - "Барыс 4" базары (Райымбек даңғылы 212д/1) - "Кар Сити" СҮ - "Арзан" гипермаркеті (Райымбек даңғылы 507а) Еске сала кетейік, Алматыдағы дүниежүзілік қысқы Универсиада ойындары қаңтардың 29-на басталып, ақпанның 8-не аяқталады. Спортшылар 12 спорт түрінен сынға түспек. Қазақстандық студенттер тек 7 спорт түрінен бақтарын сынайтын болады. Жарыстар Алматыдағы 8 спорттық нысанда өтеді.