Қазақстанда криптовалютаның банк картасы шығарылады

Елде жыл соңына қарай криптовалютаның банк картасы шығарылады деп хабарлады turkystan.kz Қазақстан Ұлттық телеарнасына сілтеме жасап. Мұны нарықтағы екінші деңгейлі банк пен Intebix цифрлық активтер биржасы бірлесіп іске асырмақ. Азаматтар Астана халықаралық қаржы орталығы арқылы криптовалютаны теңгеге айырбастай алады. Орталық бұған дейін цифрлық активтерді басқаратын 6 компанияға лицензия берген. Пилоттық жоба жыл соңына дейін жұмыс істейді. Осы уақытта криптобиржалар банктерде шот ашуға құқылы. Тұтынушылардың қауіпсіздігі үшін инвестиция көлемі айына мың доллардан аспауы керек.