م ۇلىكتى زاڭداستىرۋ اكتسياسى كەزىندە 5،7 ترلن تەڭگە زاڭداستىرىلدى

اكتسياعا ەلىمىزدىڭ 140 مىڭنان استام ازاماتى قاتىسقان. بارلىعى 5،7 ترلن تەڭگە زاڭداستىرىلدى، ونىڭ ىشىندە  4،1 ترلن تەڭگەسى – اقشالاي، 1،6 ترلن تەڭگەسى — م ۇلىك تۇرىندە. 151 مىڭعا جۋىق جىلجىمايتىن م ۇلىك، سونىمەن قاتار زاڭدى تۇلعالارعا قاتىسۋداعى 213 ۇلەس زاڭداستىرىلدى.

بۇل تۋرالى ۇكىمەتتىڭ كەزەكتى وتىرىسىندا قارجى ءمينيسترى باقىت سۇلتانوۆ قازاقستاندا جۇرگىزىلگەن زاڭداستىرۋدىڭ ارالىق ناتيجەلەرى تۋرالى ەسەپ بەرۋ بارىسىندا مالىمدەدى.

سپيكەردىڭ ايتۋىنشا، اكتسيانىڭ سوڭعى ايلارىندا حالىقتىڭ جوعارى بەلسەندىلىگى بايقالدى – 2016 جىلدىڭ ءتورتىنشى توقسانىندا قاراجاتتىڭ 53% زاڭداستىرىلدى.

ەل ىشىندە 5 ترلن تەڭگەگە، شەتەلدەردە 0،7 ترلن تەڭگەگە اكتيۆتەر زاڭداستىرىلدى، ونىڭ ىشىندە 614 ملرد تەڭگەسى – اقشالاي، 70 ملرد تەڭگەسى – م ۇلىك تۇرىندە. اقشانى زاڭداستىرۋ ءۇشىن جالپى 11 821 ەسەپ اشىلدى. زاڭداستىرىلعان 151 مىڭ جىلجىمايتىن م ۇلىك نىسانىنان 9،5 مىڭ نىسان كوممەرتسيالىق جىلجىمايتىن م ۇلىك رەتىندە ەسەپكە الىنعان. 5،7 ترلن تەڭگەنى زاڭداستىرۋ نەگىزگى ەكونوميكالىق كورسەتكىشتەرگە قولداۋ جاسادى.

قارجى ءمينيسترى اتاپ وتكەندەي، 1،9 ملرد تەڭگە بانك ەسەپشوتتارىندا قالىپ وتىر. بۇل بانك قورلارىنىڭ جانە ەكونوميكانى نەسيەلەندىرۋدىڭ قوسىمشا كوزى بولىپ تابىلادى. ازاماتتار 2،2 ملرد تەڭگە كولەمىندەگى زاڭداستىرىلعان اقشالارىن بانكتەگى ەسەپشوتتارىنان شەشىپ العان.  بۇل قاراجات ينۆەستيتسيالار، تۇتىنۋ نەمەسە جيناقتاۋعا جۇمسالعان. اتالعان جىلجىمايتىن م ۇلىكتىڭ 1،6 ملرد تەڭگەسى – نەسيە الۋ ءۇشىن الەۋەتتى كەپىل م ۇلىك.

جالپى، زاڭداستىرۋ كولەمى بويىنشا كوش باسىندا الماتى (3 ترلن 981 ملرد تەڭگە) مەن استانا (533 ملرد تەڭگە) تۇر.

ەسكە سالا كەتەيىك، م ۇلىكتى زاڭداستىرۋ ماسەلەلەرى تۋرالى زاڭ 2014 جىلدىڭ قىركۇيەك ايىنان باستاپ كۇشىنە ەندى. كەيىنىرەك، جۇرگىزىلىپ جاتقان اكتسيانىڭ ديناميكاسىن جاقسارتۋ ماقساتىندا، مەملەكەت باسشىسى م ۇلىكتى زاڭداستىرۋ شارتتارىن قايتا قاراستىرىپ، زاڭداستىرۋ سۋبەكتىلەرىنە قوسىمشا كەپىلدىكتەر ۇسىنۋ تۋرالى تاپسىرما بەرگەن بولاتىن. قازاقستان رەسپۋبليكاسىنىڭ وعان سايكەس كەلەتىن زاڭىنا 2015 جىلدىڭ 13 قاراشاسىندا قول قويىلىپ، 2015 جىلدىڭ جەلتوقسان ايىنان باستاپ كۇشىنە ەنگەن.

Back to top button