Бейсенбі, 8 Желтоқсан, 2022

Қостанай облысында сарбаз комиссариатты сотқа берді

Қостанай облыстық мамандандырылған ауданаралық әкімшілік соты 24 мамырда Қостанай облысының Қорғаныс істері департаментіне қатысты әскери қызметке жіберу туралы бұйрықпен келіспеген Н. есімді азаматтың арызы бойынша әкімшілік істі қарады деп хабарлады turkystan.kz Azattyq Rýhy сайтына сілтеме жасап.

Әскери есепте тұрған мерзімді әскери қызметші 2021 жылдың желтоқсан айында медициналық комиссиядан өту кезінде «Аш ішек түйінінің эрозиялық деформациясы. Асқынған ойық жара» диагнозы бар екенін хабарлап, сәйкес медициналық анықтаманы ұсынған.

Комиссия құжатты есепке алмай, «Әскери қызметке жарамды» деп бірауыздан шешім шығарып, жас жігіт Ұлттық ұланға жіберілді. Сот талқылауы барысында жауап беруші тарап қостанайлық азаматтың әскери міндетті өтеу орны бойынша медициналық тексерудің нәтижесін көрсетті. Құжатта Н. есімді арызданушының әскери қызметті өтеуіне кедергі келтірмейтін «Катаральды антральді гастрит» ауруы бар екені көрсетілген. Сот әскери-дәрігерлік сараптама тағайындады. Сараптама арызданушының бұған дейін мәлімдеген диагнозын растады, оның қазіргі уақытта ауруы жазылмағаны белгілі болды. Сондықтан жас сарбаз одан әрі әскери қызметті өтей алмайды, – делінген хабарламада.

Даулы қаулы сотпен заңсыз деп танылып, оның күші жойылды.

Сонымен қатар, арызданушының денсаулық жағдайын ескерген сот өз шешімін шұғыл орындауға шақырды.

Мұндай оқиғаның алдағы уақытта қайталануына жол бермеу мақсатында тиісті шаралар қолдану үшін сот жауапкерге тіркелген заңбұзушылықтар бойынша жеке ұйғарым шығарды.

Байқау айқын
Байқау айқын

Ұқсас жаңалықтар

Back to top button