Дүйсенбі, 28 Қараша, 2022

Атырауда «Қыздарға арналған ұлттық мектеп» заңсыз жұмыс істеп келген

Атырау қаласының әкімшілік құқықбұзушылықтар жөніндегі мамандандырылған сотында «Қазақ ұлттық қыздар мектебі» ЖШС-не қатысты әкімшілік құқықбұзушылық туралы іс қаралды деп хабарлады turkystan.kz.

««Қазақ ұлттық қыздар мектебі» ЖШС 2022 жылдың 1 қыркүйегінен бастап 2022-2023 оқу жылына 7-сынып комплектісімен 101 оқушыны қабылдай отырып, тіркеусіз және рұқсатсыз білім беру қызметімен айналысқаны анықталды», – делінген Атырау облыстық сотының хабарламасында.

Сот қаулысымен ЖШС Әкімшілік құқықбұзушылық туралы кодекстің 463-бабының 1-бөлігімен әкімшілік жауапкершілікке тартылып, оған 53 603 теңге көлемінде айыппұл салынды.

Сот қаулысы заңды күшіне енген жоқ.

Еске салсақ, бұған дейін бірқатар БАҚ көздерінде Атырауда жеке сәләфилік мектеп заңсыз ашылғаны туралы мақала жарияланған болатын. Блогер Нұргүл Мұқышеваның айтуынша, бұл оқу орнында қыздар хиджаб пен арабтардың ұлттық киімдерін киеді. Қоғам белсендісі Білім министрінен мектепке лицензия бермеуді және дереу жабуды сұрады.

Байқау айқын
Байқау айқын

Ұқсас жаңалықтар

Back to top button