Министрлер рейтингі: кім көп тілді меңгерген?

Қазір Қазақстанда 19 министрлік бар. Ranking.kz тілді меңгеру деңгейі бойынша министрлердің рейтингін жасады деп хабарлады turkystan.kz. Ғылым және жоғары білім министрі Нұрбек Саясат көш бастады. Министр жеті тілде – қазақ, орыс, ағылшын, итальян, түрік, жапон және латын тілдерінде сөйлейді. Екінші орында Сыртқы істер министрі Мұхтар Тілеуберді мен Ұлттық экономика министрі Әлібек Қуантыров тұр. Олардың әрқайсысы бес тілді меңгерген. Үздік үштікті Ақпарат және қоғамдық даму министрі Дархан Қыдырәлі, Цифрлық даму, инновациялар және аэроғарыш өнеркәсібі министрі Бағдат Мусин және Еңбек және халықты әлеуметтік қорғау министрі Тамара Дүйсенова түйіндейді: әрқайсысы төрт тілді біледі. Қазақстандық 19 министрдің 12-сі ағылшын тілін меңгерген.