Бейсенбі, 29 Қыркүйек, 2022

Астаналықтар жылдамдығы жоғары интернетке қосыла бастады

«Көктал-2» жеке секторының тұрғындары Gpon технологиясы бойынша 500 Мбит/с-ке дейін жететін жылдамдықпен цифрлық теледидар мен жоғары жылдамдықты интернетке қосылатын болады деп хабарлады turkystan.kz қала әкімдігінің ресми сайтына сілтеме жасап.

Бұл елорданың Сарыарқа ауданы әкімдігінің қолдауымен Астана қаласының Цифрландыру және мемлекеттік қызмет басқармасы мен «Kazakh Home Networks» ЖШС (ТМ Almaline) бірлескен жобасының арқасында іске асырылады.

Айта кетсек, аталған аудандағы сапасыз интернет мәселесі 8 жылға жуық уақыт бойы шешімін таппаған. Бүгінде желілерді қосу бойынша белсенді жұмыс жүргізілуде, жоғары жылдамдықты интернетке бірінші рет Баршын, Ұлытау, Саумалкөл, Құланөтпес, Айдарлы көшелерінің бойында тұратын «Көктал 2-нің» батыс бөлігінің тұрғындары қол жеткізеді. Алғашқы абоненттерді қосудың шамамен мерзімі қазан айының ортасы.

Содан кейін жаңа тұрғындардың байланысы шығыс бағытта жүреді. «Көктал-2» талшықты-оптикалық байланыс желілерімен толық қамтуды қараша айының ортасында аяқтау жоспарланып отыр. Аяқталған соң «Көктал-1» және Агроқалашық аудандарында да осындай жұмыстар басталады.

Айта кетсек, жеке сектор тұрғындарына тегін қосылу, икемді тарифтік жоспарлар және жоғары қызмет көрсету деңгейі ұсынылады.

 

Ұқсас жаңалықтар

Back to top button