Жұма, 2 Желтоқсан, 2022

Ахмет Байтұрсынұлының 150 жылдық мерейтойы қашан атап өтілетіні белгілі болды

Қостанай облысы Әулиекөл ауданындағы өртке байланысты кейінге шегерілген Ахмет Байтұрсынұлының 150 жылдық мерейтойына арналған шаралар 1 қазанда өтеді. Бұл туралы іс-шараның ұйымдастыру алқасы мәлімдеді деп хабарлады turkystan.kz.

«Биыл 3-5 қыркүйекке жоспарланған Ахмет Байтұрсынұлының 150 жылдық мерейтойына арналған іс-шаралар Әулиекөл ауданындағы төтенше жағдайдың салдарынан кейінге шегерілген болатын. Үкімет пен жергілікті атқарушы органдар тарапынан зардап шеккен тұрғындарға көмек көрсетілді. Қазіргі таңда жағдай тұрақталды.

Осыған орай, Ұлт ұстазының мерейтойы 1 қазан күні атап өтілетін болады. Мерекелік шаралар Ахмет Байтұрсынұлы және Торғай ауылдарында өтеді.

Бағдарлама бойынша Сарытүбек қонысында Ахмет Байтұрсынұлының кесенесіне тағзым жасау, музей-үйдің тұсаукесері өтіп, ас беріледі. Торғай ауылында спорттық шаралар (қазақ күресі, ат жарысы), ескерткіштің ашылуы, реэкспозициядан кейінгі А.Байтұрсынұлы мен М.Дулатұлының әдеби музейінің тұсаукесері, ғылыми-практикалық конференция жоспарланған», – делінген ұйымдастыру алқасының хабарламасында.

Айта кетейік, Мемлекет басшысы облыста өртпен байланысты жағдай тұрақталып, зардап шеккендерге көмек көрсетілген соң Ахмет Байтұрсынұлының туған жеріне баратынын мәлімдеген болатын.

Байқау айқын
Байқау айқын

Ұқсас жаңалықтар

Back to top button