Бейсенбі, 29 Қыркүйек, 2022

Испаниялық басылым қазақ киносы жайлы жазды

Мадридтің тарихи орталығында орналасқан кинотеатрында «Ұлттық киноны қолдау мемлекеттік орталығы» КЕАҚ пен Қазақстанның Испаниядағы елшілігінің қолдауымен Қазақстандық кино күндерінің ресми ашылу рәсімі өтті деп хабарлады turkystan.kz СІМ-ге сілтеме жасап. 

Іс-шараға Испанияның Сыртқы істер, Еуропалық одақ және ынтымақтастық министрлігінің өкілдері,  дипломатиялық корпус, қазақтандықтар диаспорасы, шетелдік киносүйер қауым қатысты.

Қазақстан елшісі Константин Жигалов бұл шара биыл атап өтілетін екі ел арасындағы дипломатиялық қарым-қатынастар орнағанының 30 жылдығына орайластырылғанын айтты.

К. Жигалов 2016 жылдан бері «Қазақфильм» киностудиясы мен Қазақстан елшілігінің қолдауымен Барселонада өтетін жыл сайынғы Азия кинофестивалінде қазақстандық фильмдер тұрақты түрде көрсетіліп келе жатқанына тоқталды.

Әсем өнерлер орталығында режиссер Ернар Нұрғалиевтің «Алға» және режиссер Фархад Шәріповтің «Схема» фильмдерінің еуропалық премьерасы өтіп, оған Ф. Шәріпов және «Алға» фильмінің продюсері Максим Акбаров қатысты.

Мадридтегі қазақ киносының күндері көпшіліктің көңілінен шықты. Бүгіннің өзінде Испанияның орталық газеттерінің бірі – «La Vanguardia» басылымында осы оқиғаға арналған материал жарияланды.

Ұқсас жаңалықтар

Back to top button