Сәрсенбі, 7 Желтоқсан, 2022

Отандастар қоры қоғамдық қабылдаулар өткізді

«Отандастар қорының» қызметкерлері Ақтау қаласында Түрікменстаннан көшіп келген этникалық қазақтар үшін қоғамдық қабылдаулар өткізді. 

Қабылдауда қандастарды қоныстандыруға басымдыққа ие облыстарға орналасу жөнінде ақпараттық-түсіндірмелік жұмыстарын жүргізді.

 «Республикаға визалық режимдегі елдерден келген қандастарды қабылдау, қоныстандыру және бейімдеу бойынша орталық және жергілікті мемлекеттік органдардың өзара іс-қимылының қадамдық алгоритм әзірлегені айтылды. Осы алгоритмге сәйкес этникалық қазақтар визада көрсетілген өңірлерге тұрақты тұруға міндетті екені түсіндірілді», – делінген хабарламада.

Сонымен қатар этникалық қазақтар субсидия түрінде мемлекеттік қолдау шараларын алуға құқылы болатыны тілге тиек етілді.

Отандастар қоры қоғамдық қабылдаулар өткізді

200-ден астам қандас басымдыққа ие өңірлерге көшуге келісімін беріп отыр.

Қазіргі таңда Түрікменстаннан Қазақстанға 782 этникалық қазақ көшіп келген. Олардың 118-і визада көрсетілген өңірлерге қоныстанған.

Отандастар қоры қоғамдық қабылдаулар өткізді

 «Айта кетсек, отбасының әрбір мүшесіне көшуге 70 АЕК мөлшерінде біржолғы төлем (2022 жылы – 222,6 мың теңге) беріледі. Тұрғын үйді жалдау және коммуналдық қызметтерге ақы төлеу шығындарын жабу үшін төлем 1 жыл ішінде ай сайын тағайындалады.

Төлем мөлшері қалаға қоныс аударған бір адам үшін 20 АЕК-тен (61,3 мың теңге) отбасы мүшелерінің саны бес және одан да көп болса 30 АЕК-ке (91,9 мың теңге) дейін, ауылдық жерге қоныс аударған бір адам үшін – 15 АЕК-тен (45,9 мың теңге) отбасы мүшелерінің саны бес немесе одан да көп болса 21 АЕК-ке (64,3 мың теңге) дейінгі мөлшерді құрайды», – делінген хабарламада.

Отандастар қоры қоныс аударушы қандастардың ҚР азаматтығын алғанға дейінгі қызметтер бойынша ақпараттық-түсіндірмелік жұмыстарды ары қарай да жалғастырады.

 

 

 

Байқау айқын
Байқау айқын

Ұқсас жаңалықтар

Back to top button