Сенбі, 10 Желтоқсан, 2022

Бүгін еліміздің басым бөлігінде үсік жүреді

Қазгидрометтің болжамы бойынша, бүгін, 15 қыркүйекте еліміздің  басым бөлігі кең, суық антициклонның ықпалында болады. Жауын-шашынсыз ауа райы күтіледі, түнгі сағаттарда тұман және үсік жүреді деп хабарлады turkystan.kz.

Синоптиктердің болжамына сәйкес, батыста жаңбыр жауады, күн күркірейді, бұршақ жаууы мүмкін, шығыста жауын-шашын, кейде жаңбыр мен сулы қар түрінде түседі. Еліміздің басым бөлігінде желдің жылдамдығы 15-20 м/с, оңтүстік-батыста, оңтүстік-шығыста екпіні 23-28 м/с дейін барады, күндіз батыстан, оңтүстіктен шаңды дауыл соғады.

Қызылорда, Түркістан, Жамбыл облыстарында, Атырау облысының батысында төтенше өрт қаупі сақталады.

Түнде Ақмола, Қостанай облыстарының солтүстік-шығысында, Солтүстік Қазақстан облысының оңтүстік-шығысында, Павлодар облысының батысында, оңтүстігінде, Қарағанды облысының солтүстік шығысында, Ұлытау, Шығыс Қазақстан облыстарының солтүстігінде, шығысында, Абау облысының солтүстігінде -1-3 градус үсік жүреді.

Нұр-Сұлтан қаласында көшпелі бұлтты, жауын-шашынсыз. Оңтүстік-шығыс, шығыс бағыттардан соғатын желдің күші түнде 2-7, күндіз 5-10 м/с болады. Ауаның температурасы түнде +2+4°С, топырақ бетінде -2°С үсік, күндіз +16+18°С болады.

Ал Алматы қаласында көшпелі бұлтты, жауын-шашынсыз. Солтүстік-шығыстан жел соғады, күші – 3-8 м/с. Ауаның температурасы түнде +8+10°С, күндіз +21+23°С болады.

Шымкент қаласында аздаған бұлтты, жауын-шашынсыз. Жел шығыстан соғады, күші – 8-13 м/с. Ауаның температурасы түнде +14+16°С, күндіз +31+33°С болады.

 

 

Байқау айқын
Байқау айқын

Ұқсас жаңалықтар

Back to top button