Дүйсенбі, 28 Қараша, 2022

Қостанай облысында бюджеттен 96 млн теңге ұрланған

Қостанай облысындағы қаржы мониторингі агенттігінің департаментінде 96 млн теңге бюджет қаражатының ұрланғаны туралы хабарланды деп жазды turkystan.kz.

Агенттіктің мәліметінше, Қостанай облысының тұрғыны аграрлық сектор субъектілерін алдап, сенімін теріс пайдаланған.

«Күдікті өсімдік шаруашылығы өнімінің шығымдылығы мен сапасын арттыру бағдарламасы шеңберінде, оның ішінде картоп тұқымын сатып алуға ауыл шаруашылығы тауарын өндірушілерге субсидиялар түрінде бөлінетін бюджеттік ақшалай қаражатты бірнеше рет ұрлады», – делінген ҚР ҚМА баспасөз қызметі таратқан хабарламада.

Айыпталушының қылмыстық әрекеттерінің нәтижесінде мемлекетке келтірілген жалпы шығын шамамен 96 млн теңгені құраған.

ҚР ҚПК 201 бабына сәйкес өзге ақпарат жариялауға жатпайды.

Байқау айқын
Байқау айқын

Ұқсас жаңалықтар

Back to top button