__باستى سلايدەرجاڭالىقتارقوعام

قازاقستان زاۋىتتارى 2016 جىلى 410 مىڭ توننا بيتۋم ءوندىردى

«2015-2019 جىلدارعا ارنالعان نۇرلى جول ينفراقۇرىلىمدى دامىتۋ مەملەكەتتىك باعدارلاماسى» شەڭبەرىندە رەسپۋبليكا كولەمىندە 7 مىڭ شاقىرىم اۆتوجولداردى سالۋ مەن قايتا جاڭارتۋ جوسپارلانىپ وتىر، وسى ماقساتقا شامامەن 2 ملن توننا جول بيتۋمى قاجەت.

جالپى ەلىمىزدەگى مۇناي جول بيتۋمىنا دەگەن قاجەتتىلىك 400-500 مىڭ توننانى قۇرايدى، ال وتاندىق زاۋىتتاردىڭ جالپى قۋاتتىلىعى جىلىنا 1 ملن تونناعا دەيىن جەتىپ وتىر، دەپ ءمالىم ەتتى ەنەرگەتيكا مينيسترلىگىنىڭ ءباسپاسوز قىزمەتى. 2016 جىلعا ارنالعان جول بيتۋمىنا دەگەن بەلگىلەنگەن قاجەتتىلىك 410 مىڭ توننانى قۇرادى. مالىمەتتەر بويىنشا، 2016 جىلى ەل اۋماعىنداعى زاۋىتتار 487 مىڭ توننا (2015 جىلعى سايكەس كەزەڭمەن سالىستىرعاندا 107,3%)  جول بيتۋمىن ءوندىردى. وسىلايشا، ىشكى نارىقتاعى قاجەتتىلىك وتاندىق وندىرىستەگى جول بيتۋمىمەن تولىعىمەن قامتاماسىز ەتىلدى. وتاندىق بيتۋم زاۋىتتارىنىڭ ۇزدىكسىز جۇمىس ىستەۋىن قامتاماسىز ەتۋ جانە ەكسپورتتاۋ ءۇشىن قولايلى جاعدايلار جاساۋ ماقساتىندا مۇناي جول بيتۋمىنىڭ ەكسپورتتىق كەدەندىك باج سالىعىنىڭ مولشەرلەمەسىن 60 دوللاردان 15 ەۋروعا دەيىن  تومەندەتۋ جونىندە شارا قابىلدانعان.

Back to top button