__باستى سلايدەرجاڭالىقتارقوعام

قازاقستان بىرقاتار ەلدەردىڭ ازاماتتارىنا ۆيزاسىز جۇيە ەنگىزدى

قازاقستاندا ەۋرو وداعى ەلدەرىنىڭ، ەكونوميكالىق ىنتىماقتاستىق جانە دامۋ ۇيىمى ەلدەرىنىڭ، بىرىككەن اراب امىرلىگى، مالايزيا، موناكو جانە سينگاپۋر ەلدەرىنىڭ ازاماتتارىنا ۆيزاسىز جۇيە ەنگىزدى.

سىرتقى ىستەر مينيسترلىگىنىڭ ءباسپاسوز قىزمەتىنىڭ حابارلاۋىنشا، 2017 جىلدىڭ 1 قاڭتارىنان باستاپ جوعارىدا اتالعان ەلدىڭ ازاماتتارى قازاقستاندا 30 كۇنگە دەيىن ۆيزاسىز جۇرە الادى.

رەسمي استانا بۇل وزگەرىستەردىڭ قازاقستاندا ينۆەستيتسياعا قولايلى جاعداي تۋعىزىپ، تۋريستىك الەۋەتىن دامىتۋ ءۇشىن جاسالىپ وتىرعانىن ايتادى. جاڭا ۆيزالىق ەرەجەگە بايلانىستى ءسىم وزگە ەلدەر ءۇشىن قازاقستاندىق ۆيزا الۋ ءتارتىبىن جەڭىلدەتىپ، قۇجاتتار ءتىزىمىن ازايتۋعا ۋادە بەرىپ وتىر.

قازاقستان 2015 جىلدىڭ 16 شىلدەسىنەن بەرى 19 ەلدىڭ ازاماتتارىن 15 كۇنگە دەيىن ۆيزاسىز قابىلداي باستاعان.

Back to top button