Жеңіл атлетика рекордтары жоққа шығарылуы мүмкін

Жеңіл атлетика рекордтары жоққа шығарылуы мүмкін

Халықаралық спорттық баспасөз қауымдастығының басшысы (AIPS) Джанни Мерло Халықаралық жеңіл атлетикалар қауымдастығының президенті (IAAF) Себастьян Коуға осы спорт түрінен барлық рекаордтарды жоққа шығаруды ұсынды. Ашық хаттың мәтіні 3 желтоқсан, сейсенбі күні AIPS сайтында жарияланды. «Егер допинг мәселесі соншалықты ушыққан болса, жағдай қазір қалай болды екен. Меніңше, жеңіл атлетика бойынша әлемдік рекордтар кітабын жауып тастап, жаңасын ашатын уақыт жетті»,-деп есептейді Мерло. Оның сөзінше, бұндай қажеттіліктің туындап отырған себебі - көптеген Олимпиада чемпиондары мен рекордшылары өздерінің марапаттарынан допингтің кесірінен айырылды. «Сол себепті енді жеңіл атлетиканың жаңа кезеңін ашса керемет болар еді. Ол болашақ буынның үмітін оятар еді»,-делінген хатта. 2016 жылдың қаңтар айында тура осындай ұсыныспен Ұлыбританияның жеңіл атлетика федерациясының президенті Эд Уорнер де шыққан болатын, деп жазады lenta.ru.