Дүйсенбі, 28 Қараша, 2022

Түркияның конституциясы ескіріп барады

Түркияның Жоғарғы сотында сөз сөйлеген президент Режеп Тайып Ердоған осындай мәлімдеме жасады деп жазды turkystan.kz.

Президент Түркияның қазіргі конституциясы 1982 жылы қабылданғанын және бірқатар түзету енгізілгеніне қарамастан, жаңа заманның сын-қатерлеріне сай келмейтінін атап өтті.

Түркия басшысы биліктегі Әділет және даму партиясы былтыр елге жаңа негізгі заңының жобасын дайындағанын, бірақ бұл бастама басқа саяси күштерден тиісті қолдау таппағанын еске салды.

«Біз бұл өзекті мәселені қайта көтереміз», – деп сендірді саясаткер.

Президент Ердоған Түркияның бірқатар елде қазірдің өзінде қолданылып жатқан «құқықтық қорғауды сақтандыру» жүйесін енгізуді жоспарлап отырғанын да айтты.

«Белгілі бір топтар Түркияның сот жүйесін қылмыстық ұйымдардың құралына айналдыруға тырысуда. Біз бұған жол бермейміз!» – деді ол.

Байқау айқын
Байқау айқын

Ұқсас жаңалықтар

Back to top button